САД и Иран потпишуваат изјава за прекин на огнот, церемонијата утре во Швајцарија

САД и Иран, со посредникот Пакистан, порано од предвиденото ставија потпис на Меморандумот за постигнување траен мировен договор

Претседателите на САД и Иран и премиерот на Пакистан како посредник, ја потпишаа изјавата за намери, со што официјално почнува процесот за постигнување траен мировен договор меѓу Вашингтон и Техеран. Портпаролот на иранското МНР објави дека решиле да не присуствуваат на официјалната церемонија закажана за во Швајцарија. „Беше закажан состанок во Швајцарија за официјално потпишување на текстот од двете страни. Во текот на изминатите 24 часа го разгледавме ова дополнително и на крајот заклучивме дека е подобра идеја текстот да биде потпишан од претседателите на двете земји без физички да присуствуваат на одредено место. Исто така, мислам дека одржувањето церемонија не е многу соодветно“, изјаци Есмаил Багнеи, портпарол на МНР на Иран. САД повторно би можеле да го бомбардираат Иран ако не се склучи конечен договор, дециден е претседателот Трамп. Шефот на Белата Куќа вели дека најверојатно силите на САД нема да бидат уште долго во регионот на Заливските земји. И спикерот на иранскиот парламент и главен преговарач истакна дека недовербата во САД останува, а прстите на Иранците се на чкрапалото. „Не сме размислувале за тоа. Навистина, веројатно уште некое време. Тоа е добро место за престој. Прашањето беше колку долго ќе ја оставите војската во Заливот? Би рекол малку. Ќе видиме како ќе оди се. Мислам дека ќе помине добро, но ќе видиме“, изјави Доналд Трамп, претседател на САД. Договорот меѓу Вашингтон и Техеран предвидува повторно отворање на Ормускиот Теснец, фонд за обнова на Иран од 300 милијарди долари и укинување на американските санкции и одредби за обезбедување на територијалниот интегритет на Либан … За иранската нуклеарна програма ќе се преговара во следниот 60-дневен период. Од МААЕ одбија да шпекулираат за можни аранжмани за намалување на нивоата на збогатување на ураниум во Иран. „Веруваме дека фактот, неопходната улога на Меѓународната агенција за атомска енергија е признаена и е здрава појдовна точка, а сега на нас е да седнеме со нашите американски колеги, нашите ирански колеги и да почнеме да ги формулираме конкретните чекори што ќе треба да се преземат“, изјави Рафаел Гроси, генерален секретар на МААЕ. САД и Израел ја почнаа војната против Иран на 28 февруари, уште првиот ден беше ликвидиран врховниот лидер, ајатолахот Али Хамнеи и врвни воени функционери. Маријана Димовска Tags: топКатегорија: СветNadnaslov: Блиски ИстокСлика за вест: 

8 hours ago

САД и Иран порано од предвиденото ја потпишаа изјавата за прекин на огнот

Претседателите на САД и Иран, порано од предвиденото ја потпишаа изјавата за намери, со што официјално почнува процесот за постигнување траен мировен договор. Формалната церемонија е закажана за утре во Швајцарија. САД повторно би можеле да го бомбардираат Иран ако не се склучи конечен договор, дециден претседателот Трамп. Шефот на Белата куќа вели дека најверојатно силите на САД нема да бидат уште долго во регионот на Заливските земји. „Не сме размислувале за тоа. Навистина, веројатно уште некое време. Тоа е добро место за престој. Прашањето беше колку долго ќе ја оставите војската во Заливот? Би рекол малку. Ќе видиме како ќе оди се. Мислам дека ќе помине добро, но ќе видиме“, изјави Доналд Трамп, претседател на САД. Спикерот на иранскиот парламент и главен преговарач вели дека недовербата во САД останува, а прстите на Иранците се на чкрапалото. „Разликата помеѓу преговорите сега и претходните периоди е што денес, на теренот постои знамето на победата, што и непријателите и пријателите го признаа“, изјави Мохамад Багер Калибаф, претседател на парламентот на Иран. Договорот меѓу Вашингтон и Техеран предвидува повторно отворање на Ормускиот Теснец, фонд за обнова на Иран од 300 милијарди долари и укинување на американските санкции и одредби за обезбедување на територијалниот интегритет на Либан. За иранската нуклеарна програма ќе се преговара во следите два месеца. „Мислам дека претседателот Трамп постигна добар договор. Тој е важен затоа што она што го прави овој договор е деградирање на нуклеарниот капацитет. Истото важи и кога станува збор за балистичките ракетни капацитети, кои претставуваат закана не само за Блискиот Исток, туку и за Европа и другите делови од светот, но исто така и за враќање на слободата на навигација“, изјави Марк Руте, генерален секретар на НАТО. САД и Израел ја почнаа војната против Иран на 28-ми февруари, уште првиот ден беше ликвидиран врховниот лидер, ајатолахот Али Хамнеи и врвни ирански воени функционери.   Маријана Димовска Tags: топКатегорија: СветNadnaslov: Блиски ИстокСлика за вест: 

12 hours ago

САД и Иран утре ќе го потпишат договорот

Формалната церемонија на потпишување на меморандумот за разбирање меѓу САД и Иран е закажана за утре во Швајцарија. Иранската државна телевизија емитуваше фотографии од претседателот Масуд Пезешкијан како потпишува првичен договор за завршување на војната. Спикерот на иранскиот парламент пак изјави дека знамето на победата се вее во тековните преговори. „Разликата помеѓу преговорите сега и претходните периоди е што денес, на теренот постои знамето на победата, што и непријателите и пријателите го признаа“, изјави Мохамад Багер Калибаф, претседател на парламентот на Иран. Шефот на Белата Куќа вели дека најверојатно силите на САД нема да останат уште долго во регионот на Заливските земји. „Не сме размислувале за тоа. Навистина, веројатно уште некое време. Тоа е добро место за престој. Прашањето беше колку долго ќе ја оставите војската во Заливот? Би рекол малку. Ќе видиме како ќе оди се. Мислам дека ќе помине добро, но ќе видиме“, рече американскиот претседател Доналд Трамп. Нацрт-договорот со 14 точки вклучува нов стандард за ирански ураниум и одредби за обезбедување на територијалниот интегритет на Либан. За возврат, САД ќе преземат чекори за ублажување, но не и за укинување на некои санкции против Иран, кој повторно би можел слободно да продава нафта. Со договорот се обезбедува бесплатен премин низ Ормускиот Теснец само 60 дена и не се исклучуваат такси во иднина. Категорија: СветNadnaslov: БЛИСКИ ИСТОКСлика за вест: 

16 hours ago