САД и Иран во Швајцарија, преговорите се одложуваат по примирјето во Либан

Преговори во сенка на нови тензии- САД и Иран бараат решение за спорните прашања

Прва директна средба во Швајцарија меѓу делегациите на САД и Иран со посредникот Пакистан, по потпишувањето на договорот за прекин на огнот кој во наредните 60 дена треба да ги реши отворените прашања меѓу Вашингтон и Техеран. Во иранската делегација се претседателот на парламентот, Мохамед Багер Галибаф, и министерот за надворешни работи, Абас Арагчи. Потпретседателот Венс, како дел од американскиот тим, уверува дека работите се движат на подобро. „И покрај насловите, работите всушност се подобруваат таму и малку се смирија. Ќе биде нешто што ќе мора постојано да го управуваме за да се осигураме дека Израел и Либан се безбедни. Тоа е фундаменталната цел, да го направиме целиот регион безбеден. Големиот проблем е што некој ќе пука, а потоа некој ќе одговори. Едноставно мора да го запреме пукањето доволно долго за да се одржи прекинот на огнот. Ќе продолжиме да работиме на тоа, но работите се подобрија“, рече Џеј Д. Венс, потпретседател на САД. Состанокот се одржува и покрај тоа што властите во Исламската Република соопштија дека повторно го затвориле Ормускиот теснец поради нападите од Израел врз јужен Либан. Американската војска го оспори тврдењето, велејќи дека сообраќајот продолжува да се одвива. Од иранското МНР потенцираа дека ќе извршат притисок за спроведување на обврските од страна на САД, а во спротивно, меморандумот како целина ќе биде поткопан. „Обврските се многу јасни. Член еден од меморандумот е најважниот дел од реципрочните обврски. Тој бара крај на војната на сите фронтови, вклучително и во Либан. Ние ги почитувавме нашите обврски. Другата страна беше обврзана да ги принуди своите сојузници – поточно ционистичкиот режим – да ги прекинат нападите во Либан. Во овој поглед, видовме дека тие не ги исполнија своите обврски, а тоа претставува јасно кршење на меморандумот за прекин на огнот“, изјави Есмаил Багнеи, портпарол на МНР на Иран. Израелскиот премиер повтори дека израелската војска ќе остане во јужен Либан, и покрај барањата од Белата куќа за нивно повлекување. Нетанјаху потенцира дека ќе го нападнат Хезболах доколку бидат испровоцирани. Маријана Димовска Категорија: СветNadnaslov: Блиски истокСлика за вест: 

22 hours ago

САД и Иран на нова рунда преговори во Швајцарија по примирјето во Либан

Претставници од Вашингтон и Техеран на нова рунда разговори во Швајцарија по примирјето меѓу Израел и Хезболах во Либан. Средбата се смета за важен чекор кон стабилизирање на пошироката безбедносна ситуација на Блискиот Исток. Ескалацијата на судирите во Либан претходно ги доведе во прашање американско-иранските преговори, кои се сметаат за клучни за слободната пловидба низ Ормускиот Теснец и стабилизирање на снабдувањето со нафта. Претседателот Трамп вели дека преговорите ќе успеат. „Имаме најголема војска насекаде во светот. И го видовте тоа во Иран, каде што за една недела, практично, ја уништивме целата нивна морнарица, воздухопловство, нивното противракетно оружје. За 60 дена, мора да склучиме договор, во спротивно ќе правиме работи што нема да ги направат среќни. Но, не мислам дека ќе стигне до тоа. Мислам дека ќе биде многу добро“, изјави американскиот претседател, Доналд Трамп. Израел и Хезболах се договорија за продолжување на примирјето, но војската потврди дека нејзините сили ќе продолжат да ги отстрануваат непосредните закани. „Сè што е поврзано со договорите што спаѓаат под политичкиот ешалон е прашање на политичкиот ешалон. Ќе продолжиме да дејствуваме според нашите упатства. Додека не добиеме различни упатства, ќе дејствуваме според директивите што началникот на Генералштабот им ги даде на силите на терен“, рече бриг. генерал Ефи Дефрин, портпарол на израелската војска. Од ООН изразија надеж дека САД и Иран ќе продолжат да преговараат за крај на војната и покрај тоа што конфликтот во Либан ги одложи мировните напори. „Мислам дека на народот на Либан му е потребен мир, им треба време за обнова. Владата на Либан треба да ја врати својата власт над целата своја територија, а и луѓето од северен Израел треба да можат да си одат дома безбедно. Се надеваме дека сите страни во овој конфликт ќе разберат дека најважното нешто во моментов е да се заврши овој конфликт“, изјави Стефан Дујарик, портпарол на ООН. Иран и САД потпишаа рамковен договор во средата кој предвидува сеопфатен крај на воените конфликти во регионот. Првичната рунда разговори беше планирана за во петок, чија цел беше унапредување на рамковниот договор, но состанокот беше откажан во последен момент. Во 60-те дена по договорот, преговарачите треба да работат на конечен договор што ќе донесе траен крај на војната во регионот, која почна со нападите на САД и Израел врз Иран на крајот на февруари. Маријана Димовска Категорија: СветNadnaslov: БЛИСКИ ИСТОКСлика за вест: 

1 day ago

Договорот меѓу САД и Иран се соочува со прв неуспех, одложени се разговорите во Швајцарија

Преговорите меѓу САД и Иран закажани за во Швајцарија се одложени поради логистички причини-соопшти Белата куќа, но порачува дека остануваат подготвени за продолжување на процесот штом се создадат услови. Во меѓувреме, Ормускиот Теснец е повторно отворен, а американската блокада укината. Тече 60-дневниот период за постигнување траен мировен и нуклеарен договор. „Мировниот план на претседателот веќе дава вистински плодови. 12,5 милиони барели нафта поминаа низ Ормускиот теснец. Цените на бензинот паднаа, а бродовите повторно се движат. Тоа е победа за американскиот народ и за претседателот на САД“, изјави Џеј Д. Венс, потпретседател на САД. Врховниот лидер на Иран, Моџтаба Хамнеи, оцени дека договорот е постигнат „од очај“, но потврди дека го одобрил, и покрај „различниот став“. Порача дека Иран ќе продолжи со разговорите само доколку се почитуваат неговите позиции и интереси. „Од овој момент, па натаму преговорите лице в лице што ќе се водат во иднина нема да значат прифаќање на мислењето на непријателот“, соопшти Моџтаба Хамнеи, врховен лидер на Иран. Иранската Револуционерна гарда порача дека стои зад раководството во Техеран и дека секое прекршување на договорот од американска страна ќе има последици. „Задачата што ни ја довери Врховниот водач е да се стремиме кон реализација на условите и клаузулите од договорот. Во случај на лоша намера, прекршување и прекумерни барања од спротивната страна, немаме двоумење да му одговориме на непријателот“, објави Мохамед Багер Галибаф, претседател на иранскиот парламент. И покрај договорот, Израел не отстапува од Либан, повикувајќи се на заканата од Хезболах. Нападите и судирите на југот од земјата продолжуваат. „Борбата сè уште не е завршена, мора да останеме цврсти во одбраната на нашите безбедносни интереси“, изјави Бенјамин Нетанјаху, премиер на Израел. Продолжувањето на судирите во Либан би можело да го доведе во прашање спроведувањето на договорот. Трамп очекува целосен прекин на огнот на сите фронтови, вклучително и во Либан. „САД се посветени на мирот и ги охрабруваме сите во регионот да ја одржат својата посветеност, за да овозможиме преговорите да се одвиваат успешно. Очекуваме целосен прекин на огнот на сите фронтови, вклучително Либан, Хезболах и Израел“, објави Доналд Трамп, претседател на САД Европа останува претпазлива. Франција бара улога во следната фаза од разговорите за иранската нуклеарна програма и предупредува дека нема да поддржи укинување на санкциите на ООН доколку не биде задоволна од условите на конечниот договор. „Секогаш е подобро да се има договор отколку војна, но не верувам дека можеме да кажеме дека е целосно завршена. Никој – а пред сè Франција – не сака Иран да се здобие со нуклеарна бомба“, изјави Емануел Макрон, претседател на Франција. „Имаме јасни услови. Ако условите дозволат и има нуклеарен договор, земјите-членки ќе разговараат за санкциите, но сè уште не сме стигнале дотаму“, изјави Каја Калас, шефица за надворешна политика на ЕУ. И светските пазари внимателно ги следат случувањата, по првичниот пад на цената на нафтата, новите тензии во Либан повторно ја зголемија неизвесноста околу стабилноста на регионот.   Бојана Крстевски Категорија: СветNadnaslov: Блиски ИстокСлика за вест: 

2 days ago

Преговорите САД-Иран одложени, мировниот договор останува на сила

Преговорите меѓу САД и Иран, закажани за денеска во Швајцарија, се одложени, соопшти швајцарското Министерство за надворешни работи. Белата куќа наведува дека причината се логистички околности, а американската делегација останува подготвена за средба штом се создадат услови. Во меѓувреме, двете страни продолжуваат со спроведување на договорот. Ормускиот Теснец е повторно отворен, а американската поморска блокада укината. Почна одбројувањето на 60-дневниот период за постигнување траен мировен и нуклеарен договор. „Мировниот план на претседателот веќе дава вистински плодови. 12,5 милиони барели нафта поминаа низ Ормускиот теснец. Цените на бензинот паднаа, а бродовите повторно се движат. Тоа е победа за американскиот народ и за претседателот на САД“, изјави Џеј Д. Венс, потпретседател на САД. Врховниот лидер на Иран, Моџтаба Хамнеи, оцени дека договорот е постигнат „од очај“, но потврди дека го одобрил, и покрај „различниот став“. Порача дека Иран ќе продолжи со разговорите само доколку се почитуваат неговите позиции и интереси. „Од овој момент па натаму … преговорите лице в лице што ќе се водат во иднина нема да значат прифаќање на мислењето на непријателот“, нагласи Моџтаба Хамнеи, врховен лидер на Иран. Хезболах го оцени договорот како „вистинска победа за Иран“, додека Израел останува на ставот дека нема повлекување од Либан додека постои закана од милитантите. Израелската војска соопшти дека извршила напади врз цели во јужен Либан во текот на ноќта, додека Хезболах јави за интензивни судири во областа. „Овој меморандум е вистинска победа за Иран. Во регионот се случуваат големи трансформации, а Либан е засегнат од нив“, рече Хасан Фадлалах, висок претставник на Хезболах. „Борбата сè уште не е завршена … мора да останеме цврсти во одбраната на нашите безбедносни интереси“, изјави Бенјамин Нетанјаху, премиер на Израел. Трамп очекува целосен прекин на огнот на сите фронтови, вклучително и во Либан. „САД се посветени на мирот и ги охрабруваме сите во регионот да ја одржат својата посветеност, за да овозможиме преговорите да се одвиваат успешно. Очекуваме целосен прекин на огнот на сите фронтови, вклучително Либан, Хезболах и Израел“, објави американскиот претседател, Доналд Трамп. Борбите, според оценките, би можеле да го доведат во прашање спроведувањето на договорот. Европа претпазлива. „Секогаш е подобро да се има договор отколку војна … но не верувам дека можеме да кажеме дека е целосно завршена. Никој – а пред сè Франција – не сака Иран да се здобие со нуклеарна бомба“, изјави Емануел Макрон, претседател на Франција. „Имаме јасни услови. Ако условите дозволат и има нуклеарен договор, земјите-членки ќе разговараат за санкциите, но сè уште не сме стигнале до таму“, нагласи Каја Калас • шефица за надворешна политика на ЕУ. Во меѓувреме, светските пазари реагираа позитивно, а цените на нафтата бележат пад поради очекувањата за стабилизирање на снабдувањето. Бојана Крстевски Tags: топКатегорија: СветNadnaslov: Блиски ИстокСлика за вест: 

2 days ago