„Кармина Бурана“ со 200+ уметници во Градскиот парк во Скопје

„Кармина Бурана“ под ѕвездите со над 200 уметници во живо на МРТ

Градскиот парк во Скопје вечерва ќе се претвори во огромна концертна сцена на која над 200 уметници од Македонија, Бугарија и Грција заеднички ќе ја изведат монументалната кантата „Кармина Бурана“ од Карл Орф. Спектаклот под отворено небо ќе започне во 21 часот, а пред публиката ќе настапат Македонската и Софиската филхармонија и Државниот симфониски оркестар од Солун. На големата сцена ќе им се придружат хорот на Националната опера и балет, детскиот хор „Пиколо“ и хорот на музичкото училиште од Солун, создавајќи едно од најмасовните музички доживувања организирани во Скопје ова лето. Со музичкиот спектакл ќе диригира бугарскиот маестро Најден Тодоров, кој е и иницијатор на регионалниот проект. Како солисти ќе настапат светски признатата македонска сопранистка Ана Дурловски, грчкиот тенор Николас Спанос и бугарскиот баритон Иво Јорданов. Настанот ќе може да го следите и во живо на МРТ1 со почеток од 21 часот. Категорија: КултураNadnaslov: Филхармонија на отвореноСлика за вест: 

21 hours ago

„Кармина Бурана“ од Карл Орф во изведба на филхармониите од Скопје, Софија и Солун

Оркестарот на македонската Филхармонија на утре, со почеток во 21 часот, во Градскиот парк ќе ја изведе монументалната музичко-сценска кантата „Кармина Бурана“ од Карл Орф. Со овој спектакуларен настан ќе биде заокружена концертната сезона „Без Филтер“. Покрај оркестарот на Филхармонија, во проектот учествуваат и музичари од Софиската филхармонија, Државниот симфониски оркестар од Солун, хорот на МОБ, детскиот хор „Пиколо“, како и хорот на Музичкото училиште од Солун. Со изведбата ќе диригира маестро Најден Тодоров од Бугарија, кој е иницијатор на овој меѓународен проект. По успешните реализации во Софија и Солун, „Кармина Бурана“ ќе биде претставена и пред скопската публика. Како солисти ќе настапат сопранистката Ана Дурловски, тенорот Николас Спанос од Грција и баритонот Иво Јорданов од Бугарија. Категорија: КултураNadnaslov: Музички спектакл во СкопјеСлика за вест: 

1 day ago