Потпишан договор за изградба на автопатот Скопје–Блаце со ЕБОР

Во август стартува изградбата на автопатот Скопје–Блаце

Автопатот Скопје-Блаце, вреден над 220 милиони евра и ќе почне да се гради во август. Меѓу Јавното претпријатие за државни патишта и Европската банка за обнова и развој потпишаа договор, затворена финансиската конструкција за проектот. Дел од парите, 30,8 милиони евра се грант од Европската Унија преку Рамката за инвестиции за Западен Балкан. Новиот дел ќе биде долг 10,5 км, а заедно со претходно-изградените 1,5 км, автопатот од клучката Стенковец до границата ќе достигне 12 километри. Премиерот рече дека ќе се развиваат 6 автопатски делници во земјава. Од ЕБОР велат дека овој проект е важен за цел регион. „Ова е одличен проект за земјата затоа што ја подобрува регионалната поврзаност, особено со Косово, а го поддржува економскиот раст. Тоа е навистина мошне важно особено за создавањето работни места. ЕБОР остануваат посветени да ја поддржуваат земјата особено во однос на развојот“, соопштија од ЕБОР. Вицепремиерот Николовски автопатот Скопје-Блаце ќе стане клучна сообраќајна крстосница на Балканот. Автопатот е дел од регионалниот коридор што ја поврзува Македонија со Косово, а понатаму и со Црна Гора и пристаништето Бар. Се очекува новата сообраќајница значително да го подобри патничкиот и товарниот транспорт и економската поврзаност на регионот. Од Владата очекуваат проектот да биде завршен за околу 4 години.   Борис Грујоски Tags: топКатегорија: ЕкономијаNadnaslov: ИнфраструктураСлика за вест: 

1 hour ago

Потпишување договор за автопатот Скопје-Блаце

Во Владата денеска ќе биде потпишан договорот за грант средства од ЕБОР за изградба на автопатот Скопје – Блаце. Вкупната инвестиција се проценува на повеќе од 200 милиони евра. Осврнувајќи се на реализираните активности и плановите на Владата во областа на патната инфраструктура, премиерот Мицкоски истакна дека во наредниот период истовремено ќе се реализираат шест автопатски делници, што, како што рече, претставува прв ваков инвестициски циклус во земјава. Многу наскоро ќе биде завршен и процесот за делницата Букојчани – Кичево, а догодина во ова време веќе треба да се користи автопатот Кичево – Охрид. До следната година пак, се очекува во употреба да бидат пуштени и првите десет километри од автопатот кај Прилеп, во двете насоки, додека во полн интензитет ќе продолжи изградбата на автопатската делница Тетово – Гостивар – Букојчани. На автопатот Скопје – Блаце е избран конзорциум предводен од македонската градежна компанија „Гранит“. Изборот на изведувач беше потврден на средба во Истанбул меѓу вицепремиерот и министер за транспорт, Александар Николоски, и директорот на канцеларијата на европската банка за обнова и развој. Предвидени се пет тунели, две галерии, 12 мостови и вкупно околу 40 инженерски објекти. Очекувањата се проектот да биде завршен во рок од три и пол години, со што ќе се обезбеди современо автопатско поврзување на Македонија со Косово, а преку него и со Црна Гора. Категорија: ЕкономијаNadnaslov: инфраструктураСлика за вест: 

9 hours ago