Шестмина работници во фабрика во ТИРЗ зоната во Штип пријавуваат симптоми што се јавуваат како сомнеж за труење со храна и бараат лекарска помош. Неколку од нив се задржани во болница, а според информациите од здравствените служби, денес сите се на домашно лекување. Надлежните веднаш извршуваат увид во објектот на операторот каде се подготвува храната за вработените и се преземаат мерки за утврдување на причината.
Центарот за јавно здравје Штип спроведува санитарни прегледи на вработените, разговара со одговорните лица и зема примероци (брисеви и мостри) од кујната и работните површини за микробиолошка анализа. Истовремено, инспектор за храна од Агенцијата за храна и ветеринарство (АХВ) во соработка со државниот здравствен и санитарен инспекторат, Центарот за јавно здравје и Институтот за јавно здравје Скопје врши вонреден инспекциски надзор во кујната каде се послужува храната.
Со надзорот се констатираат отстапувања во хигиената од помал обем, по што на операторот и на одговорното лице им е изречена парична казна, а кујната е времено затворена до отстранување на недоследностите. Лабораториската анализа на примероците е во тек во Институтот за јавно здравје.
